直到今日為止，3 Idiots o係香港既票房已經有一千三百幾萬， 一d平時只會睇台灣片、西片既朋友同同事都紛紛走過黎用興奮既語氣同我講，「喂我睇左喇，好好睇喎！」而自稱「印度文化推廣大使」既我，即刻繼續sell其他印度片，但一時間只可以sell到其他幾套Aamir Khan既經典片，因為要諗d適合香港人口味既真係要挑選一下。
我問：「點解你會覺得好睇？」佢地會「er...」左一陣，然後答我(一)「成套戲好搞笑囉，好耐無好似周星馳既戲出現喇」(二)「無悶場囉」收音機都會有談論過「套戲講緊既填鴨式學習制度，o係香港都係一樣，香港人會有共嗚‧‧‧」
依我愚見，其實香港人一般對印度片比較擴拒，主觀地覺得印度片一定係滿面鬍鬚，肥肥地，個頭包住色彩繽紛頭巾既人手指指唱歌跳舞(即係Punjabi), 一定唔好睇，得啖笑。而3 Idiots 整套戲令大家改觀，不但有劇情，而且成套戲可以由頭帶到尾牽動大家既情緒，基於套戲完全係大家意料之外既作品，所以大家會有驚喜同新鮮感。
電台節目講得都有道理，香港人都會有共嗚，而主角都係一個好重要原素。
Bollywind 發表在
痞客邦
留言(2)
人氣()
好耐無見喇~大家好呀~
最近都有睇幾部印度電影，只不過係自己懶惰，無update個blog o者。
睇左hit爆既《Enthiran(Robot)》，雖然未致於好好睇，但係d特技真係好利害，好榮幸係香港人負責做特技，我諗都做左好耐喇。
另一驚喜係‧‧‧男主角竟然係一人分飾兩角色，仲要真人已經六十幾歲，睇唔出，估唔到。
Bollywind 發表在
痞客邦
留言(1)
人氣()
呢一部係一部好普通既愛情故事，開始覺得BOLLYWOOD D橋來來去去都係咁喇，歌曲方面亦都無乜特出，所以我睇完都無乜深印象。
Bollywind 發表在
痞客邦
留言(3)
人氣()
本來呢套戲未排到咁快睇，不過o係機緣巧合下有機會睇到呢套戲，亦據聞票房不俗，所以前幾日就睇左喇。
其實我覺得呢套戲係ok既，不過可能成日以為會同《Race》用同一手法，都會有d期望，睇完覺得ok啦，令我驚喜既係我對Vivek Oberoi另眼相看，以前覺得佢又唔靚仔又唔型，咁佢個賣點係乜呢？睇左佢幾套戲《Fool N Final》、《Pyare Mohan》以及《Saathiya》，第一套係爛片，完全唔識欣賞，第二套係小品愛情片，但佢無得發揮，第三套，雖然做主角，但係卻毫不起眼。
黎到今次飾演一個只有一日記憶既職業神偷，遇上不斷被身邊人欺騙、出賣，Vivek終於有機會突破自己。
Bollywind 發表在
痞客邦
留言(0)
人氣()
