印度情‧印度事

好耐無見喇~大家好呀~

最近都有睇幾部印度電影，只不過係自己懶惰，無update個blog o者。

睇左hit爆既《Enthiran(Robot)》，雖然未致於好好睇，但係d特技真係好利害，好榮幸係香港人負責做特技，我諗都做左好耐喇。

另一驚喜係‧‧‧男主角竟然係一人分飾兩角色，仲要真人已經六十幾歲，睇唔出，估唔到。

而女主角Aishwarya Rai無令人失望，雖然婚後有少少發福現象，但呢套戲跳舞時依然美艷，令我回憶起Dhoom 2裏面某個造型。

另外，睇左《3 idiots》，都話Aamir Khan既戲值得睇，每次睇完佢既戲都會有殘留片段留o係腦海當中。雖然女主角係Kareena Kapoor太過商業化，但戲情真係唔錯，笑中有淚，難怪成為香港電影節既參展作品。

提外話，某日同事遞上一篇剪報，某某導演(忘記了名字)o係專欄度有介紹《3 idiots》及《Enthiran(Robot)》可想而知印度電影真係開始受香港人注意了。