印度情‧印度事

雖然而家係2012年，但2011年既戲仲未睇哂。以下係想睇但又未睇既戲
 
   
戲名：《No One Killed Jessica》

(繼續閱讀...)

Bollywind 發表在 痞客邦 留言(0) 人氣()

 
好難令人唔諗起"my desi girl, my desi girl~'呢句歌詞(from《Dostana》，雖然係咁，但2套戲其實一d關係都無。
同往日Akshay Kumar既搞笑戲相比，呢套其實唔算多笑位，套戲都ok的，有d位都幾溫馨，只係覺得有d位來得好做作，例如女教授為鼓勵Akshay讀書及拎到好成績，竟然同佢玩除衫遊戲，係咪有點兒多餘呢？
---------------------------------------------------------------------------------------------------------------------------------------------

(繼續閱讀...)

Bollywind 發表在 痞客邦 留言(0) 人氣()

 
好耐都未睇過咁突破既bollywood。
呢套係一套SRK既科幻電影(應該係佢第一套吧)，令我諗起當年既《Krrish》。
唔知點解，好多套戲，Shahrukh都係1人分飾2個角色，係要話比大家知佢有精湛既演技嗎？不過，當佢做Shekhar時同做G.One 時真係感覺唔同，除左演技外，服裝指導應記一功。真係好鍾意變了G.One後個靚仔樣呢~

(繼續閱讀...)

Bollywind 發表在 痞客邦 留言(0) 人氣()

 
初睇呢套戲時，有幾個問題，點解要咁sexy，點解要咁肥？
原來呢套係一套傳記故事，講述一個南印度女仔因為要成為演員如何努力及用不同方法達成目的，最後因事業愛情失意而走上不歸路，其後被發現在寓所中自殺身亡。
對於我來講，唔算係一部好好睇電影，如果要講同類型既電影，我會選擇《Zubeidaa》睇完會有d感覺，但呢套少左一點打動人心既感覺。

(繼續閱讀...)

Bollywind 發表在 痞客邦 留言(0) 人氣()

 
闊別6年, 終於等到Don第2集, 今次依然有Shahrukh Khan, Priyanka Chopra 及 Lara Dutta 另再加 Kunal Kapoor. 而客串既Hrithik Roshan係一個驚喜。
雖然第1集印象已經開始模糊，但記得當日睇完個感覺係嘆為觀止，估唔到印度可以拍得出如此的劇情片。相比起上集，當然劇情相對無驚喜，故事雖有少許關連，但係2個不同故事。
Roma又一次比Don呃既同時，連我...都再次比佢精湛演技呃到。真係想重溫一次第一集。

(繼續閱讀...)

Bollywind 發表在 痞客邦 留言(0) 人氣()

 
自從《3 Idiots》既出現，香港人比以往多關注印度電影，例如之後o係香港上映既《My name is Khan》同呢套《Zindagi Na Milegi Dobara》(港譯《巴打旅痕團》。不過後兩套似乎口碑無《3 Idiots》般理想，當然後兩者題材並非非常突出，以致大家睇完無特別大驚喜。
對一般香港人黎講，《ZNMD》一片既故事題材可能同西片有D相似既地方，但對我黎講卻有一D特別感覺。雖然好多套印度片都鍾意去其他國家拍外景，但每次都係見到男女主角o係當地名勝載歌載舞，但呢套片被影評人批評為近代去歌舞化的bollywood 電影之一，戲裏面既歌舞場面比一般典型bollywood少，今次遠赴西班牙當地拍攝，反而令我開始對西班牙既節日(目)有丁點認識，亦可以從電影裏面欣賞美麗既風景。
都有睇過Hrithik Roshan最近幾套既作品，《Kites》&《Guzaarish》，前者依然是我喜歡的Hithik，但後者角色來得比較自暴自棄，今次呢套片卻有另一番感覺，有型之中演得比較輕鬆，無《Kites》o個種深情及痛苦，亦無《Guzaarish》中頽廢既感覺。(不過我都係最愛第一套睇佢既《Dhoom 2》既有型及機智)總括黎講Hrithik有一種攝人既魅力，但希望佢可以演多d不同角色去突破自己。

(繼續閱讀...)

Bollywind 發表在 痞客邦 留言(0) 人氣()

    
 一套有少少恐怖同血腥既電影，我覺得一般，故事同第一集係完全無關。
Murder 2
(From Wikipedia)

(繼續閱讀...)

Bollywind 發表在 痞客邦 留言(0) 人氣()

  
呢套戲雖然已經2006年，但對我黎講都幾新鮮。Sanjay Dutt雖已一把年紀，以前睇佢既戲多數另一半係上年紀的auntie，但今次配Vidya Balan又覺得還ok喎。
而故事環繞主角以甘地既思想去幫人解決問題，題材又幾新鮮喎。而最驚喜既係Abhishek Bachchan o係片尾客串一角。
-----------------------------------------------------------------------------------------

(繼續閱讀...)

Bollywind 發表在 痞客邦 留言(0) 人氣()

      
好耐無睇過Askhay Kumar既戲, 以為有佢就係笑片啦, 但原來係一套勵志片. 對我黎講，係一套中規中距既戲啦。
演員：
Akshay Kumar     as  Parghat Singh Kahlon a.k.a. Gattu a.k.a. Kaali
Anushka Sharma as  Simran Chatwal
Rishi Kapoor        as  Gurtej Kahlon

(繼續閱讀...)

Bollywind 發表在 痞客邦 留言(0) 人氣()

Bollywind 發表在 痞客邦 留言(6) 人氣()

直到今日為止，3 Idiots o係香港既票房已經有一千三百幾萬， 一d平時只會睇台灣片、西片既朋友同同事都紛紛走過黎用興奮既語氣同我講，「喂我睇左喇，好好睇喎！」而自稱「印度文化推廣大使」既我，即刻繼續sell其他印度片，但一時間只可以sell到其他幾套Aamir Khan既經典片，因為要諗d適合香港人口味既真係要挑選一下。
我問：「點解你會覺得好睇？」佢地會「er...」左一陣，然後答我(一)「成套戲好搞笑囉，好耐無好似周星馳既戲出現喇」(二)「無悶場囉」收音機都會有談論過「套戲講緊既填鴨式學習制度，o係香港都係一樣，香港人會有共嗚‧‧‧」
依我愚見，其實香港人一般對印度片比較擴拒，主觀地覺得印度片一定係滿面鬍鬚，肥肥地，個頭包住色彩繽紛頭巾既人手指指唱歌跳舞(即係Punjabi), 一定唔好睇，得啖笑。而3 Idiots 整套戲令大家改觀，不但有劇情，而且成套戲可以由頭帶到尾牽動大家既情緒，基於套戲完全係大家意料之外既作品，所以大家會有驚喜同新鮮感。
電台節目講得都有道理，香港人都會有共嗚，而主角都係一個好重要原素。

(繼續閱讀...)

Bollywind 發表在 痞客邦 留言(2) 人氣()

 
前排去左戲院睇呢套片，真係好surprise香港竟然有得上，雖然遲係遲左少少，但係有得播即係證明印度電影o係香港越來越多人重視。
雖然之前已經睇左套戲，但係今次都入左戲院去支持一下。順便將套戲介紹比同事睇下。
對上一次入戲院睇印度片就係《Slumdog Millionaire》，不過我覺得o個套唔算太典型既印度片。今次我終於可以感受到香港觀眾對印度片的反應。

(繼續閱讀...)

Bollywind 發表在 痞客邦 留言(4) 人氣()