前排去左戲院睇呢套片，真係好surprise香港竟然有得上，雖然遲係遲左少少，但係有得播即係證明印度電影o係香港越來越多人重視。
雖然之前已經睇左套戲，但係今次都入左戲院去支持一下。順便將套戲介紹比同事睇下。
對上一次入戲院睇印度片就係《Slumdog Millionaire》，不過我覺得o個套唔算太典型既印度片。今次我終於可以感受到香港觀眾對印度片的反應。
當晚我係o係IFC睇夜晚點幾場的，忘記話比同事知，套戲有3個鐘咁長，睇完成12點幾‧‧‧人數唔算多，有老人家專登一個人來睇，亦有一班後生仔入黎捧場。
首先講左自己先，第1次睇應該係年幾前既事，當然以一個Bollywood迷來睇，我會覺得好好睇，不過已經有少少內容唔記得左。電影開頭幾位主角坐車出發搵Aamir Khan既插曲，我o係屋企睇又唔覺首歌有問題，但係戲院睇就覺得可能令香港觀眾覺得悶同太傳統了。 有d笑位我一早心中有數，所以唔識笑了，但有d笑位，睇多次都識笑喎。
成套戲有幾場跳舞，一播d香港觀眾就喪笑，係笑到好浮誇「哇~哈~哈~哈~哈~哈~哈~」我心諗：「有無咁好笑呀？」不過算啦，我諗佢地好少接觸呢d歌舞場面，咁呢套入面既歌舞場面又真係浮誇左少少既‧‧‧而有好多場佢地都係用呢種笑聲，好似覺得套戲好騎呢咁‧‧‧
而我同事就話套戲係幾好睇的，但係就不斷keep住突然間好好笑，又突然間好傷感，搞到個人情緒好飄~~
總括而言，套戲依然ok，我諗我睇多次都唔會覺悶。
希望大家可以放下對印度電影既成見，有好多電影都好好睇，好有戲情架！
繼續支持Aamir Khan！！！
原來O係戲院睇同屋企睇真係2回事，有咁多
請先 登入 以發表留言。