印度情‧印度事

(好，等我寫一寫文章，測試下個新blog好無用先)

最近，買左一本書《遇見貧民百萬富翁》，書裏面係一個台灣女仔因為百無了賴，最後決定到印度工作而紀錄既一點一滴。

我睇左幾篇，已經非常認同作者所講既野。

2009年10月，有幸到印度一遊，感覺好難忘，o係印度真係會體驗到好多o係香港見唔到既奇景，都差唔多一年喇，我仲未寫完本遊記，希望可以o係9月完成，同大家分享啦。

個人認為，呢本書值得睇，無論你去過又或者未去過，去過既，睇返內容你會發出會心既微笑，未去過既，可以令大家對印度有個認知。書中有一句我係非常之認同既：「世界有兩種人：一是去過印度，二是沒去過印度。去過印度的人又分為兩種人：從此愛上印度，朝思暮想莫非印度;另一種人再也不想去了‧‧‧」我相信自己會係偏向前者既方向，雖然呢個國家既衛生環境惡劣，人民又鍾意討價還價，但係我對印度卻充滿住一種情意結，尤其係印度服飾、明星、歷史、音樂舞蹈、電影等，都會好留意。

等我真係睇完呢本書，我會寫返個讀書報告比大家。